31 января 2023
2023 сылга Арассыыйаҕа Педагог уонна наставник сыла биллэриллибитинэн бүгүн, тохсунньу 31 күнүгэр И.Г. Тимофеев аатынан Майа лиссиэйин түһүлгэтигэр улуус эти-хааны эрчийэр биридимиэт учууталларыгар, эбии дьарык уһуйааччыларыгар семинар ыытылынна. Бүгүҥҥү семинарга Мэҥэ-Хаҥалас улууһун 22 оскуолаларыттан 35 физкультура учууталлара, эбии үөрэхтээһин педагогтара кыттыыны ылыллар. Семинар бастакы чааһыгар эдэр учууталлар уруоктара, маастар кылаастара, “Дабаан” спортивнай кулууп чилиэттэрэ спорт араас көрүҥнэригэр кыттыбыт күрэхтэһиилэриттэн, научнай дакылааттарга кыттыыларыттан уонна сахалыы остуол ооньуутугар “хабылык”, хаамыска” Вилена Осипова, 64 харахтаах дуобакка Россия чемпиона, икки төгүллээх аан дойду чемпионатын призера Арсен Иванов семинарга кэлбит учууталлары кытта күөн көрүстүлэр.
Күн иккис аҥарыгар өр сылларга Майа лиссиэйин (гимназиятын) элбэх оҕоҕо иитии араас эҥин-эгэлгэ ньымаларын туһанан, сатабыл араас үөрүйэхтэригэр иҥэрбит, үгүс элбэх көлүөнэ ыччаты чөл –олоҕу тутуһуннара сылдьар Саха Өрөспүүбүлүкэтин физическэй культура туйгуна, Арассыыйа Бэдэрээссийэтин уопсай үөрэхтээһин бочуоттаах үлэһитэ, Мэҥэ-Хаҥалас улууһун спордун сайдыытыгар кылаатын иһин анал Бэлиэ хаһаайына, үрдүк категориялаах физкультура учуутала Павел Отчутович Петров, Саха Өрөспүүбүкэтин үөрэҕириитин туйгуна, Арассыыйа Бэдэрээссийэтин уопсай үөрэхтээһин бочуоттаах үлэһитэ, үрдүк категориялаах физкультура учуутала Гаврил Петрович Хабаров баай опыттарыттан үллэһиннилэр, санааларын атастастылар.
Хас биирдии киһи кэнчээри ыччаты норуот тыынын, эти-сиини сайыннарар күүһү иҥэринэ сылдьар гына иитэн таһааралларыгар көмөлөөх буоллун семинар ыытылынна.
