18 марта 2025
Кулун тутар 18 күнүгэр «Модун» успуорт уора5айыгар Василий Тихонович Ильин «Күүстээх Ылдьыын» кэриэһигэр анаммыт хапсаҕайдаһан тустууга Өрөспүүбүлүкэҕэ биирдиилээн уонна хамаанданан бастыыр иһин күрэх үөрүүлээх аhыллыыта буолла. Күрэххэ 211 эдэр бөҕөстөр 21 хамаанда кытта сылдьаллар.
Бу күрэх 2023 сыллаахтан «Спортивные якутяне» Саха сирин өрөспүүбүлүкэтээҕи үэрэнээччилэр Спартакиадаларын зачётугар киирэр. Сылтан сыл кыттааччылар ахсааннара кэтирээн иһэр. Ол курдук бу сылга Абый, Анаабар, Муома, Эдьигээн курдук хоту улуустар көхтөөхтүк кытта сылдьаллар.
Үөрүүлээх аһыллыыга Васильев Геннадий Анатольевич — Манчаары Баһылай аатынан успуорт төрүт көрүҥнэрин Өрөспүүбүлүкэтээҕи киинин дириэктэрэ, Брызгалов Александр Романович — «Сахан сирин кэнчээри ыччата» ереспуубулукэтээ5и тирэх киин дириэктэрин эбээһинэһин толорооччу, Захаров Андриан Андреевич – Саха өрөспүүбүлүкэтин хапсаҕай федерациятын толорооччу дириэктэрэ, Габышева Феодосия Васильевна – тереебут тылы чинчийэр, харыстыыр уонна сайыннарар киин салайааччыта, Саха Өрөспүүбүлүкэтин билим Академиятын чилиэнэ, педагогическай билим дуоктара, профессор, Василий Тихонович төрөппүт кыыһа уонна Василий Тихонович Ильин ууһун салҕыыр аймахтара кыттыыны ыллылар.
Сүрүн судьуйа Дадаскинов Олег Николаевич салайыытынан икки күннээх хапса5айга күрэх түмүгэ кулун тутар 19 күнүгэр быһаарыллыа. Күнүс 16 чааска кыайыылаахтары наҕараадалааһын буолуо.
Күрэхтэһээччилэрбитигэр ситиһиини, буула5а бухатыыр курдук кытаанах доруобуйаны!
Ким ордук бэлэмнээх, ким кыайыыга дьулуурдаах, ол кыайдын!
