04 декабря 2023
Ахсынньы 1 күнүгэр өр күүтүүлээх ыра санаабыт туолан, оҕону эбии үөрэхтээһин тэрилтэтэ «Сайдыы « оҕо айымньытын дьиэтэ саҥа сырдык таас дьиэтин үөрүүлээх аһыллыыта буолла.
Кыһыл лиэнтэни быстылар Нам улууһун баһылыга Ю.И.Слепцов, Хомустаах Бастакы нэһилиэгин баһылыга В.Г.Жирков, «Прогресс » ХЭТ генеральнай директора А.С.Пинигин, Ил Түмэн депутата А.П.Атласов , Нам улууһун үөрэҕин салаатын начальнигын солбуйааччыта С.С.Поротова, «Сайдыы «оҕо айымньытын дьиэтин директора А.Н.Винокурова.
Залга тоҕуоруспут ыалдьыттары алгыс тылынан арчылаата ХИФУ «Культурология» кафедратын сэбиэдиссэйэ, филологическай наука доктора Л.С.Ефимова. “Прогресс” тэрилтэ саҥа дьиэ күлүүһүн дохсун ытыс тыаһыгар дьиэ хаһаайкатыгар Анастасия Николаевна Винокуроваҕа туттарда. Үөрүүлээх киэһэни 1-Хомустаах оҕо музыкальнай оскуолатын үҥкүүһүттэрэ, (салайааччы Т.С.Мохова), «Сайдыы «оҕо айымньытын дьиэтин «Умсулҕан «фольклорнай студия оҕолоро (салайааччы А.Д.Аргунова) киэргэттилэр. Ону тэҥэ ылбаҕай ырыаларынан эҕэрдэлээтилэр СР үтүөлээх артыыһа, «Туймаада «вокальнай ансамбль солистката Саргылана Бугулова, СР культуратын туйгуна Татьяна Андросова — Андриана, Аркадий Алексеев уонна Валерий Ноев ааттарынан республикатааҕы ырыа күрэхтэрин Гран-при кыайыылааҕа Валерий Корякин. Үөрүүлээх тэрээһиҥҥэ үгүс үтүө эҕэрдэ тыллара этилиннилэр. «Прогресс» тэрилтэ үлэһиттэрэ улуус баһылыгын, нэһилиэк баһылыгын, тутуу министерствотын, «Сайдыы» оҕо айымньытын дьиэтин коллективын аатыттан наҕараадалары туттулар. «Прогресс»ХЭТ»директора Пинигин Алексей Семенович Нам улууһун Ытык киһитэ бэлиэнэн наҕараадаланна. Улуус главата Слепцов Юрий Иннокентьевич 1- Хомустаах нэһилиэгин Ытык киһитэ бэлиэнэн бэлиэтэннэ. «Прогресс» директора Пинигин А.С. тэрилтэ аатыттан үлэһиттэрин наҕараадалаата. Педагогтар ситиһиилээх үлэлэрэ бэлиэтэнэн Үөрэх уонна наука министерствотын, Ил түмэн, Улуус Главатын, Үөрэх управлениетын, Спорт управлениетын наҕараадаларын туттуларҮөрүүлээх чааһы салайан ыытта “Алгыс” Норуот айымньытын киинин уус-уран салайааччыта Филиппова Татьяна Филипповна. «Сайдыы «саҥа дьиэтин күүстээхтик туруулаһан туран, кэнчээри ыччат сайдарын туһугар үтүө дьыаланы оҥорон олоххо киллэрбит улууспут баһылыгар Юрий Иннокентьевичка, нэһилиэкпит баһылыгар Василий Гаврильевичка, үөрэх салаатын начальниктарыгар Е.В.Ядрееваҕа, М.С.Игнатьеваҕа уонна дьиэни тутан бэлэхтээбит «Прогресс «ХЭТ»директора Алексей Семеновичка кини халыҥ туруу үлэһит хамаандатыгар коллектив, үөрэнээччилэр, төрөппүттэр, нэһилиэк олохтоохторун аатыттан барҕа махталбытын тиэрдэбит.
Бу күҥҥэ кэлэн үөрүүбүтүн тэҥҥэ үллэстибит ыалдьыттарбытыгар, күүс-көмө буолбут нэһилиэкпит тэрилтэлэригэр, төрөппүттэрбитигэр, ыччат түмсүүтүгэр, “Алгыс” Норуот айымньытын киинин коллективыгар, директор Анна Григорьевна Мылахановаҕа, “Илгэ” кооператив салайааччытыгар Сивцева Ольга Валерьевнаҕа улахан махталбытын тиэрдэбит. Саҥа сырдык дьиэҕэ оҕо аймах үтүөҕэ-кэрэҕэ тардыһан үрдүк ситиһиилэрэ өрөгөйдүү турдун. Эбии үөрэх кыһата үүнэ сайда туруохтун!
Оҕону эбии үөрэхтээһин тэрилтэтэ «Сайдыы «
