03 февраля 2026
Тохсунньу ый 30 күнүгэр «Айгыл» СӨ оҕо образцовай фольклор бөлөҕүн 20 сыллаах үбүлүөйүн бэлиэтиир дьаьаллар буоллулар. Олохтоох көҕүлээһиннэри өйүүр программа чэрчитинэн киирбит «Айгыл» фольклор бөлөх кабинетын үөрүүлээх аһыллыыта үрдүк таһымҥа ааста.
Бу тэрээһиммитигэр Дьокуускайтан Аан дойдутааҕы хомус түмэлин сүрүннүүр специалистара Туяра Жиркова уонна Алена Платонова, сэдэх көстүүлээх араас дойду хомустарын аҕалан быыстапка тэрийдилэр ону тэҥэ кэлбит ыалдьыттарга маастар кылаас көрдөрдүлэр. «Айгыл» белех выпускницата Уйгулаана Николаева ыалдьыттарга квиз оонньуу ыытта.
Бу күн «Айылгы» норуот айымньытын дьиэтигэр Марианна Михайловна Слепцова ансаамбыла төрүттэммитэ 20 сыла уонна СӨ образцовай оҕо фольклорнай студия буолбутун бэлиэтиир дьоро күнэ буолан ааста. Кыттыыны ыллылар уопсайа 200- тэн тахса «Айгыл» ансаамбыл оҕолоро; «Айгыл» ансаамбыл выпускнига, «SNOW VOISE» бөлөх солиьа, хомусчут Егор Сивцев; ансаамбыл араас сыллаах выпускниктара ону таһынан ансаамбылы кытта бииргэ үлэлэспит «Мичийээнэ» үҥкүү оҕо образцовай ансаамбыла салайааччы Миронова Л.И.; «Дархан» үҥкүү ансаамбыла, салайааччы Сивцева Е.П.; «Үрдэл» үҥкүү ансаамбыла, салайааччы Сивцева М.А.; «АйТикКэт» муода театра, салайааччы Дьячковская А.С.; «Айар Кыл» кырыымпа ансаамбыла салайааччы Макарова С.Г.; дьүрүскэн хомустары чочуйан онорор, «Айгыл» бөлөххө 10-тан тахса сыл хомустарын онорбут, чочуйбут тимир ууһа Герасим Тарабукин –Күн Дьарааһын.
Концерпытын иилээн-саҕалаан ыыттылар СӨ образцовай оҕо фольклонай студия выпускниктара СӨ импровизатор хомусчута СӨ култууратын туйгуна Артур Семенов- Тоҥ Саха, Сай-Саха проект автора уонна ыытааччыта, төрүт тылы пропогандалааччы Уйгулаана Николаева.
