Өрөспүүбүлүкэтээҕи «Туос түһүлгэтэ — 2025»

Өрөспүүбүлүкэтээҕи «Туос түһүлгэтэ — 2025» семинар- бырааһынньык

( Нам улууһугар «Туос түһүлгэтэ» тэриллибитэ 25 сылыгар ананар)

Буолар сирэ:

Нам улууһа,  1-Хомустаах нэһилиэгэ.

Буолар кэмэ:

Бэс ыйын 11 күнэ, 2025 с.

Сыала: Туос иһити тигиигэ үгүс ыччаты уһуйбут, туос уран оҥоһуктарын  Нам улууһугар  сайыннарбыт, Бастакы Хомустаах уонна Нам улууһун бочуоттаах киһитэ, норуот маастара, үлэ тыыл ветерана  Новгородова Марфа Иннокентьевна үтүө аатын үйэтитии.

Тэрийээччилэр:

• «Симэх » норуот ускуустубатыг уонна уус-уран оҥоһуктарын Национальнай Киинэ;
• М.К.Аммосов аатынан ХИФУ «Культурология » кафедрата;
• Республикатааҕы Туосчуттар союзтарын түмсүүтэ
• Республикатааҕы «Юные якутяне» ресурснай киин.
• Нам улууһун үөрэҕин салаата;
• Нам улууһун культураҕа уонна духуобунай сайдыыга салаата;
• 1-Хомустаах «Сайдыы » оҕо айымньытын дьиэтин эбии үөрэхтээһин тэрилтэтэ.

Кыттааччылар:

Туос иһити тигиинэн дьарыктанар, туос иһити тигиигэ уһуйар-үөрэтэр, билиэн-көрүөн баҕарар саха сирин үтүө-мааны дьонноро.

Барыла:

• Семинар » Туос иһити былыргылыы ньыманан тигии: технологията, инники сайдыыта»;
• Маастар- кылаастар;
• Норуот маастара Новгородова М.И. ньыматынан туостан ыас ыһаарыыта;
• Күрэхтэр:

— «Ситии хатыыта», оскуола оҕолоругар;

— «Улуу Кыайыы 80 сыла!» туостан панно оҥоруу, орто анал, үрдүк үөрэх кыһаларын студеннарыгар;

— «Ыаҕайа түгэҕин тигии», улахан дьоҥҥо.

— «Былыргылыы ньыманан тигиллибит үйэлээх туос иһитим!» выставка-конкурс

Бары күрэхтэр анал балаһыанньанан ыытыллаллар. Хас биирдии күрэххэ кыттыы төлөбүрдээх.

Сайаапкалары бэс ыйын 8  күнүгэр диэри маннык аадырыска күүтэбит: saiduu2007@mail.ru

Семинар тэрээһинин маннык нүөмэрдэргэ билсиҥ:

• Архипова Александра Саввична, 89142931672
• Баишева Варвара Дмитриевна, 89679109148

Баишева Радамира Дмитриевна, 89681568487

скан Программы