Новости

21 сентября 2018 г. | Мероприятия › Новости

Оҥоһук оҥорууга оҕолор айар үлэлэрин өрөспүүбүлүкэтээҕи күрэҕэ (П.А. Ойуунускай төрөөбүтэ 125 сылыгар ананар)

Оҥоһук оҥорууга оҕолор айар үлэлэрин өрөспүүбүлүкэтээҕи күрэҕэ

(П.А. Ойуунускай төрөөбүтэ 125 сылыгар ананар)

 

Тиэмэтэ: “Былатыан – үйэ саас тухары...”

Буолар кэмэ: балаҕан ыйын 20 күнүттэн сэтинньи ый 28 күнүгэр диэри

Кыттааччылар:  1-4 кылаастар – I бөлөх, 5-8 кылаастар – II бөлөх, 9-11 кылаастар – III бөлөх, устудьуоннар – IV бөлөх. 

1. Саха сэбиэскэй литературатын төрүттээбит суруйааччы, саха судаарыстыбаннаһын тэрийсибит, XX үйэ саҥатыгар олох-дьаһах чыҥха уларыйыытын оҥорсубут уһулуччулаах политическэй диэйэтэл, лингвист-учуонай, наука салайааччыта П.А. Ойуунускай төрөөбүтэ 125 сылыгар ананар.

Ыытааччылар: Б. Ойуунускай аатынан судаарыстыбаннай литературнай музей, П.П. Романов аатынан художественнай училище салалтата.

2. Күрэх сыала:         

– саха литературатын кытта ыкса билсиһии, ону өйгө ойуулаан көрүү,  көрдөрүү;

– оҕолор оҥорор талааннарын арыйыы;

– бастыҥ оҥоһуктары кэлин быыстапкаларга туттуу;

3. Күрэх кыттыылаахтарыгар ананар уопсай балаһыанньа.

– П.А. Ойуунускай айымньыларыгар кэпсэнэр дьоруойдары ханнык баҕарар тиэхиньикэнэн араас матырыйаалтан 25 см үрдүктээх гына оҥоруллар;

– оҥоһук улахан киһи көмөтө суох оҥоһуллуохтаах, кэтэҕэр оҕо, устудьуон толору аата, кылааһа, аадырыһа, төлөпүөнэ, электр. почтата, салайааччыта суруллар;

– оҕо ааптар ханнык айымньытыттан оҥоһугу оҥорбутун кылгастык быһааран үлэтин кэннигэр суруйар;

– күрэххэ кыттааччы биир оҥоһугу киллэрэр;

– күрэххэ киирбит матырыйааллар төннөрүллүбэттэр;

– күрэх бөлөҕүн аайы I, II, III миэстэлэр, биһирэбил үлэлэр ананаллар.

 

4. Дьүүллүүр сүбэ сыаналыыр көрүҥнэрэ:

- күрэх кыайыылаахтарын быһаарыыга уопсай үөрэхтээһин оскуолатыттан эбэтэр анал художественнай оскуолалартан киирбитэ туспа учуоттанар;

- үлэ ис хоһооно, тиэмэтин арыйыыта, сонуннук таба көрүү (оригинальность), саҥалыы айыы, оҥоһугу оҥоруу таһыма сыаналанар.

5. Күрэх түмүктэрэ:

-  “Кэскил” хаһыакка, литературнай музей сайтыгар sakhalit.com тахсар. 

- кыттааччыларга дипломнар, сэртипикээттэр, кыайыылаахтарга анал бириистэр туттарыллыахтара.

 - кыайбыт үлэлэр музейга 28.11.2018–29.12.2018 с. күннэргэ быыстапкаҕа уонна сайтка туруохтара.

6. Билсэр төлөпүөҥҥүт: 89142681196, аадырыспыт Дьокуускай куорат, Октябрьскай уул., 10.